وقد جاءتى مكالمة منذ عدة ايام من، محمد فتحى ... من مبادرة new care 4 u، يعنى ايه؟ ده كان سؤالى له فى محاولة لتفهم الأمر من فرط حماسه فى الحديث ..
أفهمنى انها مبادرة تهدف تقديم الرعاية الصحية بطريقة الكترونية لضمان سرعة انتشارها ... من خلال موقع به مقالات قصيرة وجيزة عن امر من امور الصحة الحياتية اليومية ... مع خدمة تقديم استشارات طبية مجانية بواسطة اخصائيين مشتركين فى المبادرة.
انت بتتكلم جد ؟؟؟ ده اللى انا قلته، وبسرعة وهو معايا فتحت الموقع المقصود ... ايه ده يا معلم؟ دى فكرة جامدة ... والعناوين مثيرة ومن الآخر والمحتوى بسيط ومفيد والشكل محترف للغاية.

قال لى صديقى الجديد محمد فتحى: احنا كمان مرشحين للفوز فى مسابقة "ابدأ" التى ترعاها جوجل للمبادرات المتميزة ... تستاهلوها والله، قلت انا، مع كامل احترامى وتقديرى للمبادرات المتتافسة ... واللى لو بهذا المستوى او اعلى يبقى الف مليار مبروك علينا بلدنا وافكار ولادها.
قبل ما يطلب اننا فى مصرى نتكلم عن المبادرة لقيت نفسى بقولها ... بجد وبدون مجاملة، اصل الأفكار الحلوة بتبقى عاملة زى اللمبة المبهرة ... بتفرض ضوءها على طول وبتصبح فى صدارة اى محادثة وبتوصل بسرعة لأهدافها.

ارجو ان تلقوا نظرة على الموقع (إضغط هنا) ... وتعرفوا اللى بيقولوه عن انفسهم لأخذ فكرة:

فريق We care

اسم المشروع new care 4 U
هدفنا اننا نكون اول مستشفى على الانترنت وننهض بالمجتمع المصرى ليواكب احدث التكنولوجيا فى العالم ... بدأنا العمل على المشروع من يوليو 2010 حيث تجمع اعضاء الفريق وهم:

محمد عادل عبد الرحمن ... كليه الهندسه
اسلام عادل محمد ... كليه الهندسه
هبه احمد حسن .... كليه الصيدله
محمد فتحى محمد ...كليه السياحه والفنادق

اجتمعوا سويا وقرروا العمل على هذا المشروع الهام، وقد قمنا بالدراسات كامله فى جميع الجوانب من دراسات السوق والادارة والعمل على تطويرها. وبعد فتره من العمل الشاق اطلقنا النسخة التجريبية من الموقع فى فبراير 2011 .... ولكن لاخطاء فى برمجة الموقع توقفنا، واعدنا اطلاق النسخة التجريبية للموقع فى يوليو 2011 ... وبعد فترة اطلقنا النسخة النهائية من الموقع فى نوفمبر 2011 وانضم للفريق:

احمد نبيل ... كليه الهندسه
بسنت عادل ... كليه الهندسه
هدى احمد ...كليه الفنون التطبقيه

من خلال موقعنا يقوم المريض باضافه استشاراته الطبيه ويجيب عليه فريق من الدكاتره فى مختلف التخصصات ايضا يقدم الموقع الكثير من الخدمات.
ايضا بالإضافة إلى حملات توعية صحية فى جميع التخصصات وغيرها من الخدمات، والمشروع يستهدف كل طبقات المجتمع المصرى ولكن بشكل خاص يستهدف الفئة العمرية من سن 18 إلى 30 سنة والتى تمثل أكثر من 80% من مستخدمى الانترنت.

يضا اشترك الفريق المشارك فى الموقع فى كثير من المسابقات مثل:
مسابقه " ثينك كويست " برعايه شركه اوراكل العالميه، وقد تكريم الفريق فى المسابقه وتقييم الموقع من افضل المواقع.
ايضا اشترك الفريق فى مسابقه "ابدأ" برعايه شركه جوجل وقد تأهل الفريق لتصفيات (افضل 50 فريق) المسابقه.
ويعتبر موقعنا نقله كبيره فى المجال الطبى فى مصر والموقع العربى حيث يتيح خدمات كثيره للمستخدم من خلال موقعنا
www.newcare4u.com 
----
من الآخر:
لو مادعمناش افكار شباب زى الفل بيحاول يعمل لبلده حاجة، مدعوم بخبراء بيقدموا علمهم لإفادة المجتمع بدون مايطلبوا حاجة ... يبقى هندعم مين بالظبط يا سادة؟؟؟

فادى رمزى