#ابلة_تفيدة تكتب: حكاية المدرسة اللى احتجزت الأولاد

كتب بواسطة: أبلة تفيدة في . القسم منوعات

 

عمركوا سمعتوا عن مدرسة زودت المصاريف من 25 ل 47% ..

يعني طالبوا اولياء الامور ب ١٥ الف جنية في حين ان المقرر ليهم ٥ الاف فقط.

اولياء الامور اعترضوا علي ا السداد و قاموا بتصعيد الموقف للجانب الرقابي علي المدرسة، و دفعوا جزء تحت خساب المصاريف ... و لسة الموضوع تحت التحقيق ... تقوم المدرسة المشرقة تقولهم اللي مش عاجبه يمشي.

اه والله وش كده ... و لسة الموافقة ماوصلتش بس مصممين !!!

شكاوي اتقدمت و محاضر اتعملت من اولياء الامور ... ليه بقي !!

المدرسة سحبت الكتب من الاطفال و كراريس المتابعة و منعتهم من دخول الحصص و الفصول و سابتهم في منطقة الانتظار.

جديدة دي ... صح ؟

الامتحانات علي الابواب و دي فترة مراجعات و نهاية الترم ... المدرسة ماهتمتش بمستقبل الاولاد وقامت منعتهم من دخول الفصول و وقفوهم في مدخل المدرسة.

منعت الدراسة للاولاد اللي اولياء امورهم مادفعوش القسط التاتي، عشان منتظرين نتيجة شكوتهم المقدمة للجهة المسؤولة.

كفاية كدة ؟ .... لا لسة في جديد ..

الجديد بقي ان المدرسة عملت كدة يومين و لقوا اولياء الامور مصممين برضه، ما اضحكشي عليهم و ماشيين رسمي و بيطالبوا بالالتزام بالمصاريف المقررة ... و لو دفعوا ، تكون ايصالات مختومة ... قاموا ايه بقي !!!

احتجزوا الولاد في غرفة كنترول المدرسة !!! ... راح الاهل عملوا محضر بالواقعة.

طبعا مش مصدقين كلمة احتجزوا و بتقروا تاني و تالت و رابع  ... اه هي احتجزوا صح !!!!

ايشي خيال يا ناس . هي بقت كدة خلاص !!!

رجعالكوا تاني بتفاصيل اكتر عن اخر صيحات المدارس في معاقبة اولياء الامور في أولادهم.

 

كفاية كدة انهاردة ، و نكمل حكايتنا مع ابلة تفيدة مرة تانية

دمتم بخير .. استنونى لسه حنحكى كتير.

ابلة تفيدة