#مطبخ_مروة يقدم: القرع العسلى

كتب بواسطة: مروة فرجانى في . القسم مطبخ مروة

 

 

 

الشتاء يعني احلي خضار و احلي فاكهة ... موسم الفراولة و البسلة و القرع عسلي و غيرها من خيرات الله.

القرع عسلي دا حكاية كدة ملهاش اخر.

طعمه فعلا جميل و لازم تجربوه و سهل جدا، و لو مخدوم صح بيبقي احلي من المحلات ميلون مرة.

برة تلاقي الطبق ب ١٥ ج و حاجة كدة معلقتين و يخلص.

 

المكونات :
- ٢ كيلو قرع عسلي متنضف و متقطع .

- سكر حسب الطعم

-مكونات الباشميل ( معلقة سمنة كبيرة و ٣ معالق دقيق و نص كوب لبن و كوب ماء سليق القرع) و طبعا ممكن نزود من مية سليق القرع حسب قوام الباشميل.

- مكسرات اختياري

- كيس فانيليا

 

الطريقة :
- وضع مكعبات القرع في حلة و معاها مية تغطيها و سكر حسب المذاق للسلق.

- المكعبات طريت و اتسلقت. نشيل القرع في صفاية عشان يتصفي و ينزل ميته مع بقية المية الي اتسلق فيها.نحتفظ بيها طبعا

- نضغط علي القرع بمعلقة عشان يتصفي كويس و نشيله و نهرسه كويس و نضيف ٣معالق سكر و باكو فانيليا و نقلب حلو . نفرده في صينية تكون مدهونة سمنة.

- نساويه و نضيف المكسرات لو اتوفرت.

- في حلة تانية نعمل الباشميل بالطريقة التقليدية.نحمر الدقيق في السمنة و نضيف نص كوب لبن فقط و نكمل الباقي بمية سلق القرع عشان الطعم و البهاريز كلها تحلي طعم الباشميل.الباشميل لازم يكون تقيل شوية ، مش خفيف.

- نضيف الباشميل على صينية القرغ و نفردها كويس و علي الوش نصيح معلقة سمنة و نمسح بيها علي وش الباشميل عشان تدينا لون ممتاز و ندخل الفرن.

- الوش لون و بقي روز كدة و جميل نطلعها تهدي شوية و ندخلها التلاجة و تتاكل ساقعة و بألف هنا و شفا .

 

 و الف هنا و شفا. مع مطبخ مروة مجتمعين كلنا

مروة فرجانى

#مطبخ_مروة يقدم: لانشون فراخ بيتى

كتب بواسطة: مروة فرجانى في . القسم مطبخ مروة

 

المدارس و السندوتشات و معاناة كل يوم الصبح.

طبعا الولاد بيحبوا اللانشون بكل انواعه .. بس بسبب قلة الضمير في المصانع و انعدام الرقابة و اللي بنقراه ، خلاص أنا منعته تماما.

#مطبخ_مروة يقدم: مهلبيتى

كتب بواسطة: مروة فرجانى في . القسم مطبخ مروة

 

الجو ده محتاج حاجات ساقعة و خفيفة و برضه مفيدة. مش لازم ايس كريم. ممكن مهلبية أو رز بلبن أو كاسترد.

النهارده حنعمل مهلبية بس بطريقتى. تكات و اضافات فى المكونات تخليها زى بتاعة المحلات.

#مطبخ_مروة يقدم: بودينج موز ببواقى الفينو

كتب بواسطة: مروة فرجانى في . القسم مطبخ مروة

  

 طبعا كلنا، وخاصة فى وقت المدارس، بيكون عندنا بواقى فينو قديمة دايما. عادة بنحمصها و نعملها بقسماط للبانيه او نقطعها شرائح و نحط توم و جبن و يكون خبز بالتوم.طب ليه مش بنعمل منه حاجة حلوة و تكون مغذية و بيتى و استفدنا منه بشكل جديد.

#مطبخ_مروة يقدم: الكنافة الملوكى

كتب بواسطة: مروة فرجانى في . القسم مطبخ مروة

 

 

 

 

  

الكنافة ثم الكنافة .هى حلوة بكل الطرق و دى طريقة جديدة ليها.

شكلها شيك فى الطبق و لذيذة جدا. جربوا الكنافة الملكية حتعجبكوا و سهلة .هى بتكون مقرمشة مش طرية


المكونات و الطريقة :

- حنجيب نص كيلو كنافة، جمدته فى الفريزر و طلعته كسرته جامد بشاكوش المطبخ و هو جوة الكيس عشان يتفتفت.

-فى صينية او حلة تيفال فيها ملعقتين سمنة أو زبدة قلبى الكنافة المتكسرة حلو لحد ما تاخد اللون المناسب. كل ما تغمق كل ما حتنشف فأنا خليتها وسط و نقلتها على نار هادية.

- انزلى بشربات الكنافة الساقع اللى محضراه من قبل كدة و كنا كتبنا طريقته فى مقالة سابقة.

(شربات الحلويات : 2 كوب سكر و كوب مية و رشة فانيليا و على النار لحد ما تغلى و تتقل شوية و نقفل عليها و نضيف نقطتين عصير ليمون أو ملح ليمون و لما تبرد نحطها فى التلاجة)

- قلبى كويس على نار هادية مع الشربات لحد ما كل الكنافة اتغطت بالسكر، و ابتدى انقليها فى القوالب و هى سخنة عشان تاخد الشكل المطلوب.

- جيبى قوالب التلج البلاستيك، و ممكن السليكون و ممكن صينية الكاب كيك ... اى محتوى متاح عندك، و حطيى فى كل قالب اى نوع مكسرات ... بندق او سودانى و ممكن من غير ... و نزينها بالكريمة او شيكولاتة و بالمعلقة و املي القوالب و اضغطى كويس عشان الكنافة تاخد الشكل بتاعها.

- نحطها فى التلاجة نص ساعة و نطلعها ... بتنزل من القالب بسهولة جدا و زينيها بالشيكولاتة و ممكن بالكريم شانتيه و بيكون شكلها جميل جدا و مقرمشة.

 ويجعله عامر وبالف هنا وشفا .. وف مطبخ مروة متجمعين كلنا

مروة فرجانى