أنا كنت أعرف واحد من 4 سنين و كنت معجبة به أوى، بس هو ماكانش باين عليه أى حاجة في الاول. بعد كده لاقيته بيتعامل معايا بطريقة حلوة أوى مختلفة عن الطريقة اللى بيعامل بيها كل البنات ... كل الناس كانوا ملاحظين أنه بيحبنى بس أنا كنت بقول لا.. ماكنتش بحب أوهم نفسى بحاجة ممكن ماتكونش موجودة .. بعدها بسنة قال لى أنه كان بيحبنى .. قلت لنفسى خلاص ((ده كان)) و شيلت الموضوع من دماغى.

بعدها بكام شهر لقيته بيكلمنى كتير وحسيت أنه بيقرب منى أوى ... بعدها لقيته أرتبط بصاحبتى  !! والاتنين ماكانوش قايلين ليا أى حاجة، بس مش عشان فاكر أنى بحبه أو أى حاجة من الحاجات دى.. المهم أنا قلت خلاص مش مهم هما أكيد هايقولولى وحاولت أتعامل معاه على أننا أصحاب ... و أنا بعدها أرتبط أنا كمان ... يعنى الموضوع أتشال من دماغى خالص.. كان مجرد واحد انا بعزه أوى .. بس كنت بلاقيه بقي بيتعامل بطريقة وحشة أوى وبقلة ذوق ... فبدأت أعامله بطريقة سطحية ... قعدنا كده بتاع 10 شهور، وأنه ييجى يقولى أنه أرتبط هو و صاحبتى أبدا..

انا مشكلتي اني للاسف عايش علي اللي كان ..

كنت بحب زميلة ليا اوي، وكنت هخطبها خلاص. و هي كانت بتقول انى الدنيا ومافيها ..

و فجاة قالت لي مش هقدر اكمل معاك، وانا اسفه انت تستحق واحدة احسن مني !!!

على فكرة النهاردة فى الحياة الي احنا بنعيشها مافيش حب ..

انتى عارفة انا بقالي 22 سنة ... و ده كل عمرى ... بدور على الحب ومش لاقية.

وانا عارف ان انا مش هلاقية ... وهاتجوز زي العادي جواز تقليدي ..

بس انتى عارفة بجد انا كان نفسي احب واتحب زي الافلام اللى الواحد بيشوفها..