|
على فكرة النهاردة فى الحياة الي احنا بنعيشها مافيش حب ..
انتى عارفة انا بقالي 22 سنة ... و ده كل
عمرى ... بدور على الحب ومش لاقية.
وانا عارف ان انا مش هلاقية ... وهاتجوز زي
العادي جواز تقليدي ..
بس انتى عارفة بجد انا كان نفسي احب واتحب زي
الافلام اللى الواحد بيشوفها..
أ.أ
-----------
العقل بيقول ايييه؟!!
ياراااااجل ... عمرك 22 سنة ... وبقى لك 22
سنة بتدور على الحب !!!!
طب بذمتك انت مش شايف ان مرحلة البامبرز دى
مرحلة مبكرة جدا على التدوير على الحب؟!!
يابنى انت لسة صغير والحياة أودامك ما شاء
الله ... ليه تبدأها باليأس ده ؟!!
ارجوك اقلع النظارة السودا، لان تفاءلوا خيرا
تجدوا خيرا ... لكن تتشائم وتقفلها من اولها، الحياة
هتقفلها فى وشك هى كمان. واوعى تتجوز واحدة مابتحبهاش
وماتبقاش متأكد ان هى كمان بتحبك مليون فى المية ...
الجواز مش هدف ... الجواز وسيلة لاننا نعيش
مع اللى قلبنا اختاره.
أبوس ايدك ماتساهمش فى ارتفاع معدلات التعاسة
فى مصر ...
يابنى ده انا لما كان عندى 22 سنة كنت لسة
بلعب استغماية ...
روق كده وانسى الحب وركز فى مستقبلك وهو
هيجيلك لغاية عندك ... ومن غير مجهود يا معلم لان الحب هو
الشىء الوحيد اللى لو دورنا عليه يستخبى مننا ... ولو
طاردناه يطفش ..
أمل محمود
Share on Facebook
|
