إبتسامة اليوم :: مجلة مِصّرِي :: مجلة يومية الكترونية:: ما ينفعش نغمض عينينا

من امثالنا المعاصرة: تعرف فلان اعرفه .. شفت باسبور امه لأ ... تبقى ما تعرفوش
عمرو موسي يهاجم شفيق ويقول أزاي رئيس وزراء مبارك يترشح للرئاسة، علي أساس طبعا إن عمرو موسي كان أدمن صفحة كلنا خالد سعيد!!!
حصة النحو : أبو الفتوح (مبتدأ محذوف) ، أبو إسماعيل (خبر كان) ، الشاطر (بدل منهما) مرفوع ، موسى وشفيق وسليمان (أخوات كان) ، الجماعة (أسلوب توكيد وحصر وإستثناء) ، المجلس (ضمير مستتر تقديره هو) ، الثوار (صيغة مبالغة ليس له محل من الإعراب) ، الثورة (فعل ماض)
إذا طلع موضوع ام حازم اوب اسماعيل ده صح وطلعت امريكانية، يبقى جت على دماغك يا اوباما، لأن من حقه كده يترشح رئيس لأمريكا ... ويا بوستراتك فى امريكا يا كبير
عـشــرة عشـــرين ثلاثــين أربعـــين خــــلاااااااااااااويييص لسسسسه ! ! ! ماجابـوش بولــيس ؟ لسسسسه ! ! ! ولا جــابوا رئيسس؟ لسسسسه ! ! !
المدارس من أول الحضانة لحد الثانوية ما عندهم رحلات غير لـ ( حديقة الحيوان ) لدرجة ان الحيوان لما بقي يشوفك يقولك.... ما شاء الله كبرت
بيض الدجاجة بيضة واحدة رخيصة الثمن فتملأ الدنيا صراخ وتضع السمكة آلاف من بيض الكافيارغالي الثمن وهى صامتة، دع انجازاتك تتحدث عنك ، او بيض وانت ساكت.
بعد حملة حازمون للشيخ حازم أبو إسماعيل و حملة فاتحون للدكتور عبد المنعم أبو الفتوح و أخيرا حملة شاطرون للمهندس خيرت الشاطر نناشد الدكتور عصام العريان بعدم الترشح للرئاسة
واحـد بـيـقـول لـمـامـتـه: انا خارج عـايـزه حـاجـه ؟ .... قالتله : ربنا يبعد عنك بنات الحرام واصدقاء السوء ... قالها: مش خارج اديكى بوظتى ام الخروجه.
صحيح ان فيه ناس كتير جذم، بس الواحد ما يقدرش يعيش حافى
واحد فرنسى خبط واحد مسطول وهو ماشى بعربيته فنزل بسرعه وقاله : بردون............. فرد المسطول : بردون ألبس جاكيت ..لكن متخبطش فى خلق الله كدة

مين من المرشحين دول تختاره للرئاسة؟