الثلاثاء, 24 - يناير - 2012

حدث فى برلمان الثورة ، و لم يلتفت الكثيرون !!.

مجلس الشعب ، فيه 19 لجنة ، مهمتها إدارة المجلس ككل والدولة ، بشكل تنظيمى و مهنى خدمى تشريعى رقابى ...

اللجان :_ لجنة الصحة ، لجنة الموازنة ، الاوقاف ، الشباب ، لجنة البحث العلمى والتعليم ، لجنة الثقافة ، ولحمة الزراعة والرى...... الخ .
...
اللجان دى .. بتتشكل من النواب نفسهم ، حسب ما يتقدم كل نائب و يختار اللجنة اللى تعجبه و شايف انها مناسبة لامكاناته.

المهم .. فيه 144 نائب فقط من اكثر من 500 نائب ، هم من تقدموا ليكونوا أعضاء فى الـ 19 لجنة دول .

الغريب .. ان فيه لجنه اسمها " الشؤون العربية والاقتراحات والشكاوى "

و قول او تخيل .. اننا مش عايزين حاجه من الدول العربية وهنقفل على نفسنا ، وتعالى نشوف ايه فايدة الاقتراحات والشكاوى ، واتقدم لها كام واحد .....

لما يكون عندك اقتراح يفيد الدولة ، او مشكلة بتواجهها ...، بتتقدم بيها للجهات المسئولة ، ولما يطلع عينك وماحدش يعبرك ..، بتقدم مقترحك او شكوتك لمجلس الشعب ، وهو ينظر فى طلبك بأى طريقة يشوفها ....!!

المفاجأة .. ان و لا واحد من النواب اتقدم لعضوية اللجنة دى وكأنها غير ذى أهمية ، ويبحث المجلس عن أعضاء لها .!!!!!!!!!

الغريب برضه .. ان بلد فيها 65 % منها من الشباب .. 3 نواب فقط من تقدم الى اللجنة الخاصة بمشاكلهم. !!!!!!!!!

الملفت للنظر أيضا ، ان أكثر لجنة رغب النواب فى الانضمام اليها هى لجنة الزراعة والرى ، بعدد 19 عضو ، فى الوقت اللى من أولى اهتمامات المجلس هو اعداد الدستور ، واللجنة الخاصة بها داخل المجلس تقدم اليها 15 نائب ، وهناك توجه لاغاء نسبة الفلاحين فيه !!
-
المصدر :_ رئيسة مركز معلومات الشعب الباحثة " نيفين الهلالى